ARDURADUNA

Joseba Reguilla

Harremanetan jartzeko: josebaregui@gmail.com

Haur Hezkuntzako 4. mailatik Lehen Hezkuntzako 6. mailara bitarteko ikasleek bi taldetan lan egiten dute astean behin arratsaldez.

HELBURUAK

• Judo arte martzial eta kirolaren ezagupena zabaltzea.
• Haurrak judoarekin gozatu dezatela.
• Gorputz mugimendu ezberdinetan trebatzea.
• Autodiziplina, konfiantza eta besteekiko errespetua garatzea.

Judoaren printzipioak dira:

• Gorputzaren erabileran eraginkortasun maximoa esfortzu minimoaz.
• Elkarren arteko oparotasun eta onura.

SAIOEN ANTOLAKETA

Judoko saioak ikastetxeko lehenengo solairuko judo-psikomotrizitate gelan egiten ditugu. Saioa modu honetan banatzen dut :

• Beroketa orokorra (jolasen, jarduera fisikoen eta abarren bidez).
• Beroketa zehatza (gaitasun psikomotriz eta trebetasunak landuz).
• Atal nagusia (judoko teknika ezberdinen ikasketa eta aplikazio moduak lurreko eta zutikako borroka jolasen bitartez).
• Lasaitasunera itzulera (jolasak, erlaxazioa…).

IKASIKO DITUZTEN ARLOAK

5 urte eta Lehen Hezkuntza 1

Batik bat beraien garapen fisikorako ondoen datozkien jolasak egiten dira, hala nola indar jokoak, oreka jokoak eta kontrol jokoak. Baita ere borroka jokoak egiten dira non judo borrokak aldaerak jasaten dituzten txikiei moldatzeko. Hau dena judo oinarrien irakaskuntzarekin batera bai portaera zein tekniken aldetik. Teknika sinpleenak irakatsi eta egoera berriekin esperimentatzen uzten zaie.

Lehen Hezkuntza 2 eta 3

Teknika konplexuagoak irakasten zaie eta borroka ezaugarri eta egoera ezberdinak azaltzen dira. Judo irakaskuntza sistema berriak erakusten zaizkie, adibidez uchi-komiak. Borrokak eta bere arauak ikasten dute.

Lehen Hezkuntza 4, 5, 6

Talde honetako ikasleek tekniken hobekuntzan aritzen dira eta borroken taktikaren hastapena izaten dute (eraso eta defentsa estrategiak, zona gorrian lan egitea…) borrokak betetzen duten denbora klaseetan handitzen da, bai lurrekoak bai eta zutikakoak.

BEHARREZKOA DEN MATERIALA

Judogia, gerrikoa eta txankletak.

EMANALDIAK

Kurtso honetan emanaldi bakarra daukagu aurreikusita, Herrikide Festaren egunean.