Atzo, 2016ko irailaren 19an, 1. batxilergoko Biologia eta Kultura Zientifiko ikasgaietako ikasleak Zumaiako Flyscha eta marearteko ekosistema ikustera joan ziren. Zumaiako Algorri interpretazio zentroan egitura geologiko hori (Flysch) zertan datzan azaldu ziguten. Ondoren, bertako begiraleen laguntzarekin, itsaslabarraren oinarrian dauden arroketara jaitsi ginen, ekosistema berezi horretan bizi diren izaki bizidunak aztertzeko asmoz.
